Document 1283-02-13b

Charte conservée aux Archives de l'État à Liège. Couvent des Dominicains de Liège.

Avertissements

• Cette mise en forme de la transcription est le résultat d'une conversion automatique de nos fichiers de travail et peut contenir des erreurs;
• © Marie-Guy Boutier et Nicolas Mazziotta, Université de Liège, 2001-2007 (tous droits réservés);
• la transcription du document suit les conventions exposées ici;
• l'analyse syntaxique du document est consultable ici.

Transcription

je lambers de le foſſe citains (et) eſkeuiens de liege · en me plain ſens (et) en me bone memore · a me ˘ teſtament a ˘ queil ciſte lettre [2] eſt a ˘ fichie · et ſaelee de ceſ meimes ſaias / fai ie tele addition · et se weil que ciſte addition vailhe par droit de codi / [3]cilles · (et) de teſtament · je weilh (et) ordene ke se johans meſ freres v lambon seſ fils · weilent (et) puiſſent aſſenner · vi m^ars [4] de cens hiretablement bien aſſis a eſtimation de ˘ preusdo(m)mes / a manbor^s de ˘ lamoine de ˘ poures de la citeit de liege · que [5] li · vj · mars de ˘ cens les queis iai laſſies en me teſtament ſor ˘ ma maiſon de le ˘ foſſe dont li manbor de ˘ lamone ſont rechi[6]ueurſ · (et) rendeurs a ˘ rire a freres precheurs de liege · le ior de mon anniu(er)ſare cheſcun an ſoient quittes et paiſueles [7] a iohan me ˘ frere (et) a ˘ lambon ſe ˘ filh · (et) a ˘ ceas ki apres eaus tenront hiretablement le ˘ maiſon deſeur ditte · et se weilh [8] auſi que li manbor de ˘ lamoine deſeur ditte · rechoiuent ceſcun an hiretablement · les · vi · mars de cens que iohans [9] meſ freres v lambon seſ fils leur aurat aſſenneit por les · vi · m^ars de ˘ cens ſor ˘ le ˘ maiſon de le foſſe · (et) ſen facent aveſtir [10] a · xij · d(eniers) · de requiſteſon doir a autre · (et) quil ſoient tenus de ˘ rendre (et) de ˘ paier cheſcun an hiretableme(n)t · les · vi · m^ars de ˘ cens [11] et · i · march de ˘ cens ſor ˘ le ˘ maiſon de ˘ preſtre de ˘ bacenges a ˘ precheurs de ˘ liege · le ior de mo(n) anniu(er)ſare en teil maniere quil [12] eſt en me teſtament ordineit · ce fut fait (et) doneit lan de graſce · mille · dois cens · vtante ˘ dois · en mois de ˘ feurir · le nujt [13] de le ˘ feſte sain valentien ·

Pour éviter tout problème d'affichage, merci de faire usage d'un des navigateurs fournis sur le disque compact (voir la page des ressources).